فتحى مصطفى كامل يدافع عن والده في أزمة الشرقية ويؤكد أن الحديث نقابي وليس موجهاً لأهالي الشرقية

فتحى مصطفى كامل يدافع عن والده أمام موجة انتقادات مرتبطة بفيديو الشرقية

دافع فتحى مصطفى كامل، نجل الفنان مصطفى كامل نقيب المهن الموسيقية، عن والده في أعقاب انتشار مقطع فيديو قديم اعتبره البعض مسيئاً لمحافظة الشرقية، مؤكداً أن حديث والده كان نقابيًا ولم يكن موجهاً إلى أهالي الشرقية.

حسبى الله ونعم الوكيل فى كل شخص بيأذى وبيقول كلمة عشان يبان ملاك قدام الناس وناسى ان فى ربنا شايف وشاهد على كل شيء

وأضاف: حسبى الله ونعم الوكيل فى كل شخص عارف أن مصطفى كامل مغلطش فى حد وكلامه كله واضح بالنص انه على أمور نقابية ومخالفات ومقالش حرف واحد على محافظة الشرقية.

الڤيديو متصور فى 2022، فأيه السبب أنه يظهر دلوقتى عشان مش عارفيين تمسكوا عليه غلطة ولا سرقة؟ الڤيديو ظهر عشان هو راجل شغال بما يرضى الله وبيخاف ربنا فى مال الغلابة؟

وتابع: الڤيديو نزل عشان انتو عايزيين النقابة عزبة زى الأول والموسيقيين الوحيدة اللى متضررة؟ ومع ذالكطلع واعتذر على حاجة هو معملهاش وقال انا بعتذر للناس كلها اللى ممكن تكون فهمت كلامى غلط.

إحنا بشر وبنحس كتير اوى اوى 3 ايام شتيمة وكلام متقالش كل ده لمصلحة مين؟ حسبى الله تانى وتالت بس ربنا قادر على كل شئ وربنا كبير

اختتم: وتانى وتالت ورابع بنعتذر لكل شخص فى محافظة الشرقية فهم الكلام غلط والله العظيم الڤيديو واضح وضوح الشمس انه يخص جزء معين ولا يشمل من أصغر شخص فى الشرقية لأكبر شخص